Ei av dei sentrale leiene, no som før, går gjennom Kjelstraumen - i sundet mellom Ulvøy og Bakkøy. Her har det vore gjestgjevarstad sidan 1610, med kongeleg bevillingsbrev; ein del av det store nettverk av handels- og gjestgjevarstadar langs kysten. Her var det fast tingstad, vår og haust. Her var det handel, dampskipsstoppestad og det første postopneriet i Austrheim vart lagt hit i 1870.