Lyngheiane - kystens kulturlandskap
Forfatter: Nils Georg Brekke
Publiseringsdato: 11.02.2003 17:35
Lyngheisenteret. Foto: Scandion.
Sagaøya Lygra
Lygra i Nordhordland var ein del av Harald Hårfagres
kongsgods på Vestlandet. Her held Olav den Heilage ting på
1000-talet, og heilt frå bronsealderen og opp mot vår eiga
tid har dei grøderike gardane på Lygra helde dei åpne,
vide lyngheiane i hevd som utmark og beiteland.
På Lyngheisenteret vil du oppleve dette åpne
landskapet og få eit nærbilde av korleis fiskarbonden har utnytta
kystlandskapet gjennom fleire tusen år. I dag er denne kulturarven
i ferd med å forsvinne. Lyngheisenteret på Lygra tek vare på
vestkystens kulturlandskap gjennom aktiv gardsdrift, lyngbrenning, lyngslått
og beiting av villsau som går ute heile året. Kunnskapen om
korleis ressursane på land og sjø tradisjonelt vart utnytta
vil du møte gjennom gardsbesøk, omvisningar, utstillingar,
film, publikasjonar og internett.
Ytre Lygra
Garden Ytre Lygra har 5 gardsbruk med både moderne
drift og kulturhistorisk drift med eldre husdyrraser. Nærmare 30
restaurerte bygningar ligg i landskapet; driftsbygningar, våningshus
og naust. I utmarka finn du kulturminner frå ulike tidsperiodar;
steingardar, gravhaugar, kolminer, gardflorar, moldhus og torvmurer.
Frå senteret kan du på tilrettelagde stiar
vandre utover gjennom lyngheiane i det 1500 mål store utmarksområdet.
På høgdedraga vil du sjå villsauen
som beiter ute heile året.
Lurekalven
Lengst nord i utmarka ligg øya Lurekalven. Her
finn vi tuftene etter ein liten gard som har vore bebudd frå vikingtid
til middelalder, Her er det spor etter langhus, løe og kårhus.
Dette er gårsdagens småbruk på den norske vestkysten
- ein del av eit stort nordatlantisk kulturområde.
Lyngheisenteret på Lygra. Foto: Scandion.
Den landfaste øya Lygra ligg i Lurefjorden i Lindås,
ca 1 time med buss eller bil nord for Bergen.
Med hurtigbåt tek turen 45 minutt frå Bergen
sentrum. Senteret er åpent heile året.
|
Hovudside
