Kraftspel av Odd Nordstoga
Tekst: Scandion. Foto: Terje Opdal
Publiseringsdato: 19.08.2007

Ein strålande Odd Nordstoga med band gjorde stor suksess under Kraftspela 2007 på Matre på laurdag. Publikum fekk servert det dei kom for, ei blanding av kjente songar ispedd artige historier som bakgrunn for tekstane. 

At Nordstoga, som fekk Medaas-prisen i 2005, er ein folkekjær artist kan vel alle som var der skrive under på. 

Odd Nordstoga kan langt meir enn å syngje om grisar som hyler. Vinjes store son si blanding av pop og folkemusikk skaper konsertar med store variasjonar. 
 
 
 
Saman med bandet, Daniel Sandén-Warg på fele og Thomas Tofte på bass leika han seg gjennom låtane og skapte høg stemning under konserten på Matre i anledning Kraftspela 2007. Med ei sprudlande speleglede og dyktige medspelarar fekk publikum smakebitar av Norstoga sine mange musikalske stemningar.