2006 
Ingvard Fykse blir tildelt Kongens fortenestemedalje i sølv for sin store innsats for kyrkja og nærmiljøet. Fykse har arbeidd som prest i 38 år og søndag 11. september 2006 tok han avskjed med kyrkjelyden på Radøy. Ordførar Olav Steinar Namtvedt kunne under avslutningsfesten på Smits pensjonat overrekkje diplom og medalje til Fykse, som no startar på pensjonistlivet. 

2006 
Karstein Vågenes blir tildelt Kongens fortenestemedalje i sølv for bl.a. sin innsats med produksjon av vidofilmar i serien «Vestaver», der folk frå distriktet fortel om sine opplevingar under andre verdskrig. Han stod også i spissen for å få reist ein bautastein på Kvalheim til minne om dei som drog over havet til Shetland under krigen for å delta i motstandskampen. Fylkesmann Svein Alsaker overrekte medaljen under ein seremoni i Bergen 25. august. 

2005 
Sigmund Maraas vart fredag 20. mai heidra med Hans Majestet Kongens fortenestemedalje i gull for langvarig samfunnsgagnleg teneste, mellom anna som områderektor ved Friundervisninga i Bergen. Medaljen vart delt ut av fylkesmann Svein Alsaker under ei tilstelling ved Grand Hotel Terminus i Bergen. 

2005 
2. mai kunne Georg Dalland (83) ta imot Kongens fortenestemedalje i sølv for sitt politiske engasjement og for sin innsats for samvirkelaget. Assisterande fylkesmann Johan B. Synnevåg stod for utdelinga av medaljen. 

2004 
7. juni fekk overjordmor Mary Marøy Kongens fortenestemedalje i gull. Medaljen vart delt ut på Kvinneklinikken i Bergen av assisterande fylkesmann Johan B. Synnevåg. Det vart spesielt framheva hennar store innsats for foreldre som mista sine born før og etter fødslane. 

2004 
Trygve Urhaug får Kongens fortenestemedalje i sølv for stor innsats i samfunnsnyttig arbeid gjennom mange år. Urhaug fekk tildelt medaljen under årets Utvandrarfestival på Sletta. 

2003 
Oddmund Skjelvik får Kongens fortenestemedalje i sølv for sin innsats knytt til kulturarbeid, politikk og aktivitetar innan idrettsliv og kristent arbeid. Tildelinga fann stad i Emigrantkyrkje på Sletta fredag 28. februar av fylkesmann Svein Alsaker. Oddmund Skjelvik har vore og er den viktigaste drivkrafta som har gjort det mogeleg å få reist Vestnorsk Utvandringssenter.