Fedje trafikksentral på Fedje i Nordhordaland dekkjer området frå Sognesjøen i nord, til Hjeltefjorden ved Sture i sør. 
Trafikksentralen vart etablert i 1992 og har hovudoppgåver knytta til oljeutskipinga frå Sture og Mongstad-terminalane. 

Kvitsøy trafikksentral er plassert i Kvitsøy Kommune i Rogaland. Den dekkjer området frå Bømlafjorden i nord til Jærens rev i sør. Trafikksentralen vart etablert i 2003. 

Ved trafikksentralen vert det utprøvd ein ny kombinasjonsstilling der dei tilsette vekslar mellom å gjere teneste som trafikkleiar og los. 

Vidare vert det prøvd ut landbasert losing frå Kvitsøy – eit konsept der utvalgte skip vert losa frå trafikksentralen i staden for at los går om bord. 

Brevik trafikksentral ligg ved Brevikstraumen i Porsgrunn kommune. Den dekkjer innseglingane til det omfattande industriområdet i Grenland, der store delar av skipstrafikken består av gasstankarar og fartøy med annan farlig last. Brevik trafikksentral er den eldste og vart etablert i 1978 på grunn av petrokjemiutbygginga på Rafnes. Ei særskild dispensasjonsordning i forhold til losplikta gjeld for området. 

Horten trafikksentral er plassert i Horten havn. Den vart etablert i 1999 og har som ansvarsområde farvatnet frå Færder og inn til Spro / Steilene på Nesodden. Farvatnet innanfor dette området har Oslo havn trafikksentral ansvaret for. 

Vardø trafikksentral
Stortinget har beslutta at Kystverket skal byggje og drive ein trafikksentral i Vardø. Den vert planlagd å være i operativ drift i 2007. I framtida vil den dekkje trafikkovervåkinga i nordområda, frå Barentshavet til Lofoten ved hjelp av radarovervåking, skipsrapportering og AIS (Automatic Indentificaton System). 
........................................................ 
Kjelde: kystverket.no