Kirkelandet kyrkje
Foto: Scandion.

Søndag 10. desember 1961 la biskop Tord Godal (1909-2002) ned grunnsteinen til Kirkelandet kyrkje som blei vigsla 24. mai 1964. 

I 1957 leverte arkitekt Odd Østby to konkurranseutkast til ny hovudkyrkje i Kristiansund. I konkurranse med 76 andre utkast stakk han av med både første og tredjepremien. Dei spanande vinklane, den heilt særeigne symbolbruken og den dristige arkitekturen bryt med all tradisjon for kyrkjebygg, - men gir meining til ideen og vinnarutkastet "Bergkrystall i roser".

Kunstnaren Gunnar S. Gundersen har utforma den 30 meter høge fondveggen og korset.