Bilo og bruksmåten
Forfatter: Arne Høyland
Publiseringsdato: 28.03.2006
For tida arbeider eg litt med å registrera gamle
biler (breidøks), eller det som på gamalt strilamål
kallast for bilo. Bilo vart mykje nytta til å øksa bygningsmaterialar,
flaggstenger o.l med. Særleg er mange gamle bygningar som løer,
naust, utløer o.l. ofte bygd av materialar som heilt eller delvis
er øksa eller skanta til på plassen med ei bila.
I fjor vår var eg så heldig at eg fekk kjøpa
ein litt stor furustokk hjå han Egil på Bakko og så fekk
eg han Bjørn på Bryggjo te å bruka bilo si på
stokken, til å øksa ein stor firkanta stav til meg. Eg tok
då ein del bilete tå han Bjørn medan han arbeidde med
bilo.
Har du kommentar til informasjonen kan du sende den til
arhoy@online.no
Bjørn har strekt snor på stokken og skore
inn små loddrette stikk langs etter snorstreken med ei sag. Deretter
brukar han bilo til å øksa vekk små bitar av gangen.
Foto: Arne Høyland.
Etter å ha grovskanta fyrste sida på stokken
med bilo, går han over att med bilo og finpusser sida. No vert overflata
ganske slett og fin, slik me ofte finn det på stavar og betar i gamle
løer o.l. Foto: Arne Høyland.
Slik held han fram med å skanta til alle fire sidene
på stokken slik at han til slutt har fått ein fin firkanta
bjelke som kan brukast til stav eller noko anna i eit bygg. Bilo som Bjørn
brukar er ein ny kopi av ei bila frå Øvstedal i Voss. Foto:
Arne Høyland.
Foto: Arne Høyland.
Foto: Arne Høyland.
Foto: Arne Høyland.
|
Hovudside
