Undervisning i førstehjelp for alle 10. klassane i Gulen
Tekst: Turid Westervik
 Publiseringsdato: 03.07.2006

Kvart år, 2 dagar i juni, samlast alle 10. klassane i Gulen til undervisning i førstehjelp i Eivindvik. Henry Indrebø var den som starta med dette tiltaket for 27 år sidan. Dei fleste åra har han hatt kurset åleine. Dei siste 5-6 åra har eg også undervist, samt at vi har fått assistanse av hjelpekorpsmedlemmar. 

På slutten av dag 2 er det ei praktisk øving. Det vert rigga til 2 ulykkesstader med bilar og syklar som illustrerer påkjørsel bil og sykkel. Markørane er som regel elevar frå 8/9 klasse. Desse vert klint til med litt ketchup og raud saft, blanda med litt grus.