Hornindal kommune er ein av dei minste kommunane i Sogn og Fjordane. I vest ligg Hornindalsvatnet, vel 50 km2, den største innsjøen på Vestlandet, og den djupaste i Europa - 514 m djup. Frå kommunesenteret Grodås i austenden av vatnet går eit breitt og ope dalføre 14 km austover til Møre grense. Dalen har vore ein viktig gjennomfartskorridor mellom dei to nabofylka, også Den Trondhjemske postvegen gjekk gjennom Hornindal.