Hav dekker om lag tre fjerdedeler (71%) av jordoverflata - og består av store, samanhengande massar av saltvatn som er svært viktige for oss menneske, både når det gjeld handel, næring og klima.

Verdshav er dei største ubrotne havfelta, og inneheld eller grensar til ei rekke mindre hav. Ved kantane møter verdshava ofte øygrupper og landmassar som skapar randhav og innhav. Mindre delar av hava vert kalla sjøar, sund, stred, bukter, viker og fjordar. Menneskeskapte kanalar er òg blitt del av hava.