Bila nr. 24 
Eigaren seier dette: 
Eg fann bilo på ei lita berghylle då eg grøfta og skaut ut ei myr like ved. Bilo låg på ei berghylle under rota på ein stor raun som vart flytta vekk med gravemaskin. Bilo var i god stand etter å ha lege der i mange år. Det at ho ikkje var noko rusta kan tyda på at det har vore iblanda eit anna stoff i bilo, kanskje bronse, det er nett som det glinsar litt av bronse i ho seier eigaren. Etter at A.O. tok bilo med til Oslo og fekk ho undersøkt der, er dei komen til at bilo minst må vera 150 år. 

Smeden på Fjellsenna. 
På Fjellsenna va ein smed som eg kan hugsa, Olai Vabø, han hadde smia og vølte alt tenkjele, ordna kaffikjela, lagde stolkjerre, skodde kjerrehjul, lagde trillebåre, nesten alt vanleg te ein gard kunne han laga. Han arbeidde mest i kjellaren i stovehuset men grovarbeidet vart gjort i smio. Han va kjend for dette og folk frå Træland og Marås havna i kjellaren hass. Eg trur at dei gamle gardssmiena fyrst og fremst vart brukt til å kvessa minebørane. 

Smeden i Kvalvåg. 
Kona til eigaren fortel at det var ein gamal smed i Kvalvåg som døde i 1936, han vart kalla for Smed-Ola.