Eidsbotn Handel
Forfatter: Ingolf Austgulen
Publiseringsdato: 07.09.2004
Thor Eide dreiv landhandel på Oppdalsøyra
i åra 1950 - 54. På Oppdalsøyra var han også styrar
av Austgulfjorden Smørlag og ved sida av dreiv han lastebiltransport.
Etter nokre år på Oppdalsøyra drog
han til Svalbard - der han var i ca. 5 år.
Forretningseigedomen med bensinstasjon på Eidsbotn.
Foto: Ingolf Austgulen.
På Eidsbotn hadde han førd opp bustadhus med
lokale for butikk i første høgda - og denne vart opna i 1961.
Ei større utbygging med langt større butikklokale kom i 1983.
Bensin har vore eit viktig tilbod til kundane. Frå
først av var det ei nikkepumpe til fat som vart nytta - men i 1970
kom det moderne anlegg med Statoil som leverandør.
Forretninga har hatt aukande omsetning kvart år.
Torgeir, son til Thor og Gjertrud, overtok drifta av forretninga i 1990.
Medarbeidarar i Eidsbotn Handel (2003)
Frå v. Gjertrud Eide, Torgeir Eide, Ove Glenjen
og Bjørg Westervik.
Thor Eide hadde i mange år konsesjon for drosjekøyringa
i området - og dekka ein stor del av Gulen kommune.
Gjertrud, saman med dyktige medarbeidarar, stod for handelen
medan han var ute på køyringa - ofte lange turar som tok heile
dagen. Alltid til teneste.
Sonen Ivar overtok drosjekøyringa. Han, med sin
familie, har bygd bustad nær forretningseigedomen på Eidsbotn. |
Hovudside
